تحدثت الفنانة المصرية سمية الخشاب عن رأيها بعيد الحب، وبالحب بشكل علم، وقالت: "مش عايزين نقول إن الحب هو الحب بين راجل وست وخلاص، الحب إنك تحبي نفسك وتقدري نفسك، وتمتني لكل حاجة حلوة في حياتك وتشكري ربنا طول الوقت عليها.
في الأيام دي ممكن أجيب لنفسي بيجامة حلوة تدفيني في البرد ده، أو بيرفيوم أو أي حاجة ناقصاني أشتريها وأفرح بيها. حبي نفسك وأشتري هدية لنفسك ودلعي نفسك وانبسطي".
وعن الهدية التي أهدتها لنفسها بمناسبة عيد الحب قالت في مداخلة مع الإعلامية سهير جودة ببرنامج "الستات" المذاع عبر قناة النهار: "مؤخرا بقيت أعشق القطط وأحب ألعب مع القطة بتاعتي. القطط تمتص الطاقة السلبية من البيت، ولو زهقانة أو زعلانة وحضنتي القطة تلاقي نفسك ضحكتي، لإن القطط بتصدر موجات أكثر من 300 هرتز تمتص أي طاقة سلبية في البيت، ولو عيانة هتخفي".
وعن إمكانية دخولها بعلاقة حب جديدة، أكدت: "قلبي مينفعش يبقى مغلق، ودايما جاهزة أحب وأتحب".
