كشف الممثل المصري صبري فواز عن آخر مكالمة بينه وبين المخرج الراحل سميح منسي، الذي توفي مساء اليوم الأربعاء، بعد صراع طويل مع المرض، عن عمر ناهز 63 عامًا.


وكتب صبري فواز، قائلًا: "دنيا غريبة.. الأستاذة يارا منسي.. الاستايليست اللي عملت الشغل الجميل اللي شوفتوه في مسلسل وبينا ميعاد ده.. فنانة شابة وجادة وشاطرة وإنسانة لطيفة جدًا".
وأضاف: "أيام التصوير عرفنا إن والدها بعافية شوية، وكنا بنطمن عليه كل شوية.. تقول الحمد لله.. آخر يوم تصوير، من أسبوع تقريبًا، عرفت بالصدفة كدة إن والدها ده، يبقى صديقنا المخرج السينمائي سميح منسي.. قلت لها مش ممكن.. الدنيا دي صغيرة جدًا.. طب اطلبيه من موبايلك واديهولي أكلمه.. ده واحشني جدًا".
وتابع: "كلمته وفرحت إني سمعت صوته بعد فترة انقطاع.. وماكنتش أعرف إنه بيودعنا.. مع السلامة يا سميح.. هايوحشنا قلبك الطيب وطلتك البشوشة.. لا إله إلا الله".