خرج الممثل المصري أحمد عيد عن صمته بعد تحريف تصريحاته حول غيابه عن الساحة الفنية موضحا: "كلامي بيتحور أحیانًا عشان أبان بشتكي أو مظلوم ليه مش عارف".


وكتب أحمد عيد: "لقيت تصريح متاخد من سياقه من كلام كان بيتقال بهزار.. حابب أوضح إني مقصدش أشتكي ولا أبان عندي مظلومية.. أنا الحمد لله بيتعرض عليا شغل كتير وأنا اللي مش عايز اشتغل غير اللي شايفه كويس احتراماً لنفسي وللجمهور".
وأضاف أحمد عيد: "أنا مش فارق معايا اشتغل أصلًا أو مشتغلش، المهم أعمل اللي أنا مقتنع بيه، أنا مادياً مش محتاج ولا عندي مشكلة.. الحمد الله.. بالنسبة للأخ اللي عمل تعليق على الصورة بيقولي مالك يا أستاذ أحمد عينك فيها حزن ليه وسايب دقتك وشنبك.. عايز أقوله إن بس ده راكور عشان بصور حاليَا.. وبجد بشكركم كلكم على رسائل وبوستات الدعم والمحبة".