علقت الإعلامية المصرية ياسمين عز على أغنية النجمة الكولومبية شاكيرا التي أطلقتها مؤخراً والتي تضمنت تلميحات عن حبيبها السابق لاعب كرة القدم جيرارد بيكيه.


وقالت ياسمين عز موجهة رسالة شديدة اللهجة: "مقدرة وجعها وحرقة قلبها ولكن مش معقولة التلقيح ده في أغانيتك الأخيرة على بيكيه".
وأضافت "الست مهما كانت هي مين ومعاها ايه التلقيح أحيانًا ده بيكون غضب ودليل على الحب. ولكن أنا ليا أكثر من عتاب على شاكيرا الموضوع خلص خلاص ولادكم ملهمش ذنب يبقى سيرة أبوهم على كل لسان".
وتابعت "النهايات أخلاق يا شاكيرا. بيكيه كان طول الوقت يدعمك وفي ظهرك حاولي تفتكري له حاجة من الحاجات الحلوة”.
واستكملت “ولكنك كل فترة تحاولي تصدري أنه سابك وخانك مع واحدة تانية. مصادر مقربة منكم قالوا أن بيكيه مكنش متحمل فكرة الصوت العالي بمناسبة ومن غير مناسبة. وده واضح حتى من أغانيك وتونك العالي".
وأردفت "يمكن الراجل قال أنا تعبت ومش قادر اكمل وطلب منك مبلغ علشان يفتح مشروع. لو انتي مش هتقفي يبقى لقب شريك الحياة بيتقال في المطلق ولا الموضوع لازم يكون أفعال".
واختتمت حديثها بتوجيه رسالة خاصة إلى شاكيرا "ربنا يهدي سيرك وعيالك بالدنيا علشان يطلعوا رجالة أسوياء".