أعلنت الممثلة المصرية إلهام شاهين، عن قرار تبرعها بجميع أعضائها السليمة بعد وفاتها، ووثقت هذا القرار من خلال فيديو نشرته على جميع صفحاتها الخاصة على مواقع التواصل الاجتماعي، محاولة إقناع المتابعين على العمل بالمثل، وقالت : "أعلن تبرعي بكل أعضاء جسدي السليمة بعد وفاتي لمن يحتاج لها، لأي إنسان محتاج قلب، كلى، كبد، قرنية أو رئة".


وأضافت: "ممكن تفيد ناس كتير مش شخص واحد، لأن الجسد هيفنى وينتهي وياكله الدود ويبقى في التراب لكن بالتبرع بنعمل خير وبنبقى أكتر إنسانية وبنخفف على الآخرين".
وتابعت قائلة: أكيد مفيش حد بيطول عمر حد، والعمر له وقته ومكتوب، لكن على الأقل بنخفف عن غيرنا الألم وبنحميهم من الحياة التعيسة والأدوية الكتير، وأتمنى ننشر هذه الثقافة والوعي الإنساني المهم".
​​​​​​​وأكدت إلهام شاهين: "سألت شيوخ كتير مستنيرين وقالوا لي حلال، وإنهم معلنين ومتبرعين بأعضاء جسدهم، ويا ريت كل إنسان مستنير وبيحب الإنسانية والخير يعمل كده، ويا ريت الدولة تعمل خانة في الرقم القومي يكون مكتوب فيها أنا متبرع، أو موافق، علشان لما يموت حتى لو أهله ما عملوش ده الدولة تستفيد وتاخد الجثمان، ولازم يكون عندنا بنك لزراعة الأعضاء لمن يريد، مختتمة: يا رب نقدر كلنا نعمل خير وننشر الحب والمعاني الإنسانية الجميلة".
وأنهت إنها أول مَن وثقت توكيلًا رسميًا في الشهر العقاري للتبرع بأعضائها بعد الوفاة، مشيرة إلى أنها أبلغت إخوتها بالأمر، حت يتصرفون وفق الإجراءات المناسبة، بعد وفاتها.