اقترح الفنان المصري تامر حسني فكرة جديدة لدعم مرضى ضمور العضلات في مصر، من خلال حسابه على موقع التواصل الاجتماعي، مستعيناً بصورة طفلة تعاني من المرض المذكور.
وأكد تامر أن مساعدة الناس الذين يعانون من هذا المرض المنتشر حالياً، من أبرز أمنياته، ودعا كل من برى المنشور للمساهمة في إقامة هذا المشروع الخيري وقال: "يا جماعه مرض ضمور العضلات منتشر جداً في عصرنا ده ربنا يعافي الجميع تخيلوا لو مليون واحد بس من عدد سكان بلدنا العظيمه لو دفع 30 جنيه بس هيساهم في احياء طفله في لحظه واحده طفله بتتعذب كل لحظه هي و اهلها، امنية حياتي والله العظيم دلوقتي، يتعمل ابليكيشن تحت رعاية الدوله و تتسمى المليون اخ وتبقى على تليفونات الناس اللي هتتبرع مليون واحد هتجيلهم رساله حسب خطورة المرض ونوعه و تكلفته العامه والمطلوب منه وفي سيستم يقدر يدخل بنفسه يشوف اسمه وتبرعه راح فين وان المريض اتعالج خلاص وتجيله رساله شكراً صدقتك احيت نفس بل اسره كامله.. انا كفنان جاهز لأي جهه هتتبنى الفكره دي اني اكون داعم ليها ومعلن عنها لو الجهه محتاجه ليا شخصياً او لصوتي ان شالله أنزل ألم التبرعات بنفسي واخبط على بيت بيت وده لوجه الله ولخدمة شعبنا واهالينا المحتاجين".
وأضاف تامر أن الاشتراك بالدفع تبدأ من مبلغ 10 جنيه فقط، ومع العدد الكبير الذي سيتبرع، سيصبح المبلغ أكبر وأكبر، واختتم قائلاً: "يارب حد يسمعني. وكدا باذن الله مش هيكون في مريض محتاج ولو عندنا مشاكل كتير في مجتمعنا آدينا بوحدتنا وبحبنا لبعض بنشيل مشكله منهم".
