علقت الفنانة المصرية أمينة الفخراني على السخرية التي طالتها بعد سقوطها على المسرح، وكتبت رسالة عتب عبر حسابها الخاص على موقع التواصل الاجتماعي، قالت فيها: "جماعة الناس اللي مفكرة أن العيشة وردي، وياما هنا ياما هناك، إحنا برضوا بني آدمين وبنتعب، وبيحصل انتكاسات زي أي حد، ودي حاجة حصلت غصب عني".


وأكدت أنها أُصيبت بتمزق بالأربطة بسبب سقوطها: "برغم إني كنت بتحمل على نفسي، عشان خاطر فيه ناس جاية عشان تشوفني، مارضتش أمشي، ونتيجه تحملي على رجلي، أني جالي تمزق في الأربطة".
وأضافت أمينة: "كل ده مش مهم، قد ما مهم أوي، إني لقيت ناس كتير الحمد لله بتبعت تسأل عليا وتطمن عليا، وناس تانية بتشتم فيا وشمتانه فيا، وبتقول أحسن ما تقطع، أحسن دي بتترقص، أحسن دي مش عارف إيه؟! ليه كل ده، ليه الغل والحقد ده، ليه الكره الغير مبرر ده، جماعة إحنا أبسط من كده بكتير، وأي شو إعلامي بيظهر قدامكم أوعوا تتخدعوا فيه، أنا أمينة أختكم وبنتكم، ومكنتش متوقعة ألقى فيه ناس كتيرة كده جواها غل وحقد من ناحيتي ليا.. ربنا يهديكم ويبعد عننا النفوس المريضة دي يا رب".