أحيت الممثلة السورية ​شكران مرتجى​ عيد ميلاد والدتها الراحلة وشاركت عبر خاصية القصة في صفحته الرسمية بموقع للتواصل الاجتماعي صورة لقبر والدتها التي توفيت منذ فترة غير بعيدة وأرفقتها بجملة كتبتها عليها :"عيد ميلاد امي اليوم، هديتي الك يا غاليتي الدعاء والفاتحة والعمل الصالح والصدقة، اللهم تقبلها وارحمها، امي بركة حياتي، ارجو من الله ان تكون في جنان النعيم".


وفي صفحتها الخاصة على موقع آخر من مواقع التواصل استرسلت شكران لتتحدث عن مآثر والدتها الراحلة وتطلب من متابعيها الدعاء لها وكتبت :اليوم عيد ميلاد أمي بدي تدعولها بالرحمة".
أضافت :" أمي عذبة كماء سيدة الصبر أم عيون خضر ربتني أحترم الصغير قبل الكبير حطت حب بقلبي للناس كتار بيستغربوه بس لأنها هي هيك علمتني عالعطاء لأنه فيه سعاده علمتني إنه العمل عبادة علمتني مازعل حدا مشان أقدر نام علمتني عالكرم بالمشاعر أهم مليون مره من الكرم بالمصاري علمتني أنه الأمومه مو بس نجيب ولاد لأ أنه نعرف نربيهم علمتني ماكذب قول كل شي لوكان رح يسببلي الأذى بس كون حقيقيه لأنه بالخفا عدوي رح يحترمني ، علمتني كون مع الناس بالشده أكتر من الفرح ،شو بدي أحكي لأحكي ...
بدي قلك ياماما انا ماعم اقدر نام من شوقي الك بدي قلك كتار خذلوني وماطبطبوا ع قلبي وماتوا معك بدي قلك انا وأخواتي كل وحده بتكذب عالتانيه وبتقلها منيحه وهي الحزن كاسرها كسر بدي قلك ابعتيلي صبر من عندك ابعتيلي قوه لأقدر كمل لأني حاسه بالعجز انا ضعيفه لك طلعتي أنتي كل شي قوتي وضحكتي وفرحي كلهم راحو معك ..الله يخلي أمهاتكم انتبهوا عليهم ..وإنا لله وإنا إليه راجعون قدر الله وماشاء فعل
شكراً لناس ماتركتني من محبتها مو واجب ومسج ويلا عملت اللي عليي بيعرفوا حالهم انشالله ما بتنضاموا".