بالتزامن مع اقتراب الإمتحانات لطلاب الثانوية العامة، وجه الفنان المصري ​حمو بيكا​، رسالة إلى الطلاب ممتثلا بنفسه أمامهم مشيرا إلى انه ليس متعلما وما وصل إليه من نجاحات ليس كافيا أبدا.


ونشر حمو بيكا صورة له عبر حسابه على موقع التواصل الإجتماعي وقال: "هو أنا أه مش متعلم وأخدت محو الأمية بالعافية، لكن ده مش حاجة تفرح ولا تقول عندك بيكا أهو مش متعلم بس ناجح، صدقوني والله طعم النجاح مع العلم مختلف تماما عن طعم النجاح من غير علم".
وأضاف حمو بيكا، "العلم بيفرق في كل حاجه في الدنيا، كمية معاناة بشوفها يومياً بسبب اني مش متعلم كبيرة اوي مش بتمني حد منكم يشوفها أو يتعرض لها، العلم بيستر كتير اوي و بيخليك واعي و متفتح في كل مجالات الحياة".
وتابع: "هو أه الشارع علمني كتير، بس مش زي المدارس والجامعات، حتى لو مش هتشتغل بشهادتك، وحتى لو دخلت كلية مش بتحبها، بس يكفي أنك متعلم ومعاك شهادة تقدر تسد بيها عين الشمس".
واختتم حديثه قائلا: "اتعلموا وخلوا بالكم من تعليمكم وشهاداتكم لأنها هتفرق كتير اوي معاكوا ومع عيالكم بعد كده، أنا اه مادخلتش مدارس ومتعلمتش، بس حابب كل اللي حواليا ناجح ومتعلم وأوعى يوم تقول أهو فلان ناجح بس مش متعلم".