وجه الفنان المصري تامر حسني رسالة لمتابعيه، نصحهم فيها بتجربته الثقافية اليومية.


ونشر عبر حسابه الخاص على موقع التواصل الإجتماعي، صورة من مقطع فيديو لأحد العلماء، وعلق: "كل فتره هعرفكوا معلومه جديده يمكن محدش يعرفها عني ، انا كل يوم قبل النوم عندي رحلة قرايه و معرفه جميله جداً ، يمكن اول مره أعلن عن شيء بداخلي بالشكل دا ، بس حسيت فجأه ان واجب عليا انقلكم اي شيء بيفيدني عشان يفيدكوا معايا
اتمنى من كل متابعيني الإهتمام و البحث و الحفاظ على كل ڤيديوهات ناس صعب تتكرر تاني اتمني من كل قلبي متابعتهم و لما نحتاج ردود على أسأله جوانا ندخل و نعرف قالوا ايه فيها.
​​الشيخ محمد متولي الشعراوي، العالِم مصطفى محمود، الدكتور إبراهيم الفقي، الداعيه مصطفى حسني، الأستاذ أحمد الشقيري، الشيخ عمر عبد الكافي، الدكتور محمد النابلسي و غيرهم.
و مازلت ابحث عن علماء تانيين بيوصلولنا حقيقة الحياه و اسرارها و كيفية التعامل معها في حلوها و مرها بشكل ايجابي جميل و بسيط ، شوفوا الڤيديو دا عشان عملي ذهول مش طبيعي لو الڤيديو طويل شوفوه من النص هتذهلوا و مش هتقولوا غير سبحان الله، و ان شاء الله اي ڤيديو هحس انه فادني هقولكو عليه".