بعد النجاح الكبير الذي حققته الممثلة السورية صباح الجزائري في الحلقة الأولى من مسلسلها الجديد "مع وقف التنفيذ"، وتداول رواد مواقع التواصل الاجتماعي فيديو لأحد مشاهدها بشكل كبير، علقت الممثلة ترف التقي، إبنة صباح الجزائري، وقالت: "شكراً يا إمّي لأنك حقيقية…ممثلة من الطراز المعتّق والرفيع وكتلة إحساس لا قبلها ولا بعدها… شكراً إنك بهاد الزمن المزيّف قدرتي تفوتي ع كل بيت بسحرك وطبيعتك ووجك الملائكي يلي بيدخل القلب بدون إذن.
. شكراً إنك متصالحة مع حالك وبتعرفي تماماً انو عيونك، بس عيونك، بيتركوا بصمة راسخة بالروح لو مرقوا لحظة… قلبي بالفخر مليان…للشفّة! ببوسلك كل تجعيدة وكل خط رسمها تاريخك العظيم وبقلك الله يعطيكي العافية والصحة وتضلي نور كل رمضان وكل زمان وإحضرك دائماً بكل شغفْ وإتعلّم منك…بحبك يا ملهمتي يلي ما في جواتك إلاّ الصدق".
