شو بكي قلبك صايبو النسيان
نسيتي الشب لي عا روحو بتموني
بيني و بينك صار في وديان
و ما في غير طيور لعندك يودوني
غبتي و القلب عا غيبتك بكيان
و السهر تعب من سهرة عيوني
و الدمع من كتر ما نزل صفا تعبان
وحبس حالو بهدبه جفوني
وحياتك قلبي صاير متل جوعان
يفتش بصحرا عا شوية مونه
مدهكك من التعب وناطر عطشان
عيونك بغمزه منن يرووني
رجعي تا العمر يرجع الو عنوان
تحكمي علي و بقلبك يحبسوني
وانا وانت يقولولنا عرسان
وقلبك يرقص فرح و تقولي زفوني .
