قامت الممثلة المصرية رنا سماحة بنعي الممثل الراحل يوسف عيد حيث نشرت صورة له وعلقت عليها قائلة :" إنا لله وإنا إليه راجعون خالص العزاء لأسرة الفنان يوسف عيد".
كذلك نعى الفنان أمير عيد في فرقة "كاريوكي" وقال:" المبدع يوسف عيد الله يرحمه" ونشر صورة للراحل.
أما الممثل أحمد زاهر فطلب من متابعيه ومحبيه الدعاء للراحل يوسف عيد وقال:" إن لله وإن إليه راجعون ياريت كلنا ندعى للفنان يوسف عيد بالرحمه و المغفرة".
ومن بين المعزين الاوائل كان الممثل احمد حلمي الذي شاركه عددا من الافلام حيث نشر قائلا:" حوار سمعته في يوم من الايام بين اتنين:
الاول : عارف الفيلم اللي اسمه .. اسمه .. مممم ..
التاني : اسمه ايه ؟
الاول : هافكرك بيه .. اللي هوه كان يوسف عيد بيقول فيه اضربك فين؟ وشك مافيهوش مكان ..
التاني : ااااااه .. ده اسمه جعلتني مجرما ..
لما الناس تفتكر اسم فيلم من جمله او افيه قالها ممثل جوه الفيلم ساعتها لازم تؤمن ان الممثل ده عنده حضور وكاريزما عاليه .. وان الناس بتحبه .. ده كان يوسف عيد الله يرحمه .. بمجرد انك تشوفه لازم تبتسم .. تضحك حتي لو مقالش ولا كلمه .. روحه حلوه وطلته خفيفه .. تلاقيه دايما موجود في بالك ودايما بتفتكره .. حتي لو مكونتش بتشوفه كل يوم او حتي مره كل سنه .. الله يرحمه ويحسن اليه .. كنت دايما بتمني انه يكون معانا في اي فيلم بنعمله واني اشتغل دايما معاه .. المشهد اللي فيه الآستاذ يوسف كان دايما بيضيف بسمه وضحكه لاتنسي .. وكانت الناس احيانا بتفتكر اسم الفيلم من افيه قاله يوسف عيد .. ".
