لما بترجعي
بكرا لما بترجعي
رح خَبْرِكْ شو صار معي
لما بترجعي
لَمْلَمْتِلِك عُطْرْ ورود
وعغيابِك لحالي أشكي
وقلبي برجوعِكْ موعود
دقاتو صارت تبكي
يْقّلي دخلك خليها تعود
ما عاد فيي ولا تكي
وتِمي يفتش عالخدود
اللي كانت عشفافو تِتْكي
وبَعَتِلِكْ عجناح الطيرْ
قصايد حُبْ وعِبَرْ
ولما قال إنِكْ برداني
زِدْتُنْ من قلبي جَمُرْ
انْطَرت شهر والتاني
ومنِكْ ما رجع خَبَرْ
قلت مَنِّكْ سِئْلاني
أو جنح الطيْرْ انكَسَرْ
وصُرتْ اعشق نجوم الليل
وما عِدِتْ حَبّيْتْ القمر
لما عرفت بغيابي
انو تتنامي نَطَرْ
وبَعَتْ نورو متل الحرامي
من بين الستاير عَبَر
نام حَدِّكْ كل الليل
وجسمِكْ الأبيض دَئَرْ
وبقيتي متلو تتنهدي
واهلِكْ ما معهن خَبَرْ
لكن بكرا لما بترجعي
أنا رَحْ غُضّْ النظر
متل ما بتعرفي بدنيي العِشِقْ
ياما ذنوب بتنغفر.
.
